Mir zwei gönd gärn uf de Bleichmatthof go riite, Für eus send das abwächsligsriichi und schöni Ziite Eusi Riitlehrerin, d' Danie, isch kompetänt und nät Drum finde mir, dä Bleichmatthof ghört is Internet. Eso wend mir allne die Ritschuel nöcher brenge, vo dem Hof chöntmer massehaft Text durebringe. Z'erscht chunt eus in Sinn und das isch churz + klar, de Bleichmatthof isch eifach wunderbar. Es het Weide für alli Ross zum versoue. Sogar e praktischi Halle hends au chönne boue en Riitplatz, schöns Gländ, was wotsch no meh, eifach und suber, muesch es eifach mol gseh! D’Schuelross, für Afänger oder Fortgschretteni, sind als Lehrmeister für Schüeler guet gritteni. Vo gedoldig und ruhig bis sportlich-fit, mit dene riite z’lerne isch eifach de Hit. Sie biete au öppis für di chlinere Chend, settig wo no am Afang vo ihrer  Rittkariere send. Sicherheit + de natürlich Omgang stoht an 1. Stell, Riite isch öppis wo mer vo Grund uf suber lerne sell. Überzüged eu sälber ond chömed doch mol verbie, mit freued eus uf eue Bsuech + hoffed ihr chömed glii! Immer am 2.letschte Sunntig im Mai isch Tag der offenen Tür. Gönned eu en Usflug, kei Angst es isch au ned tür! Dieses Gedicht stammt von Bettina Corte und Victoria Erdin, Reitschülerinnen auf dem Bleichmatthof und Initiantinnen dieser Homepage. Vielen Dank den beiden für ihre Initiative und ihre positive Unterstützung. Mehr über Mensch und Tier siehe in den diesbezüglichen Sparten links des Bildrandes!